Zamonaviy.Net

Men kulgusin sog'ingan Inson 
Qalbi pora, yig'lab turibdi. 
Ko‘zlarida yig'lagan Sog'inch, 
Sevinch uni tashlab ketibdi.
 

Xazon kabi to‘kilar yurak, 
Bitta-bitta sinmoqda tanim. 
Kulgularin sog'ingan edim, 
Ko‘z yoshlari kutmoqda meni.
 

Butun dunyo aylangan nolga, 
Daqiqalar besamar tanti. 
Men yig'latgan u insonning-da 
Tugal edi azal o‘z baxti.
 

Baxtlarimiz tugadi bu kech, 
Yo‘llarimiz ayri-ayricha. 
Sen ne qilding, bilmadim, lekin 
To‘yib-to‘yib yig'ladim kecha.
 

Tun o‘qidi ruxga janoza, 
Oqshomda oy bo‘zlab yig'ladi. 
Bir yashagim keldi... kelmadi... 
Ammo buni xech kim bilmadi.